الثلاثاء، 22 نوفمبر 2011
ليا عندك كاميرا وموبايل يامصر !!
بتاريخ 10:38 م بواسطة مخبر قمل دولة
يوم التلات، 22 نوفمبر
كنت طالع قدام في الصف الاول في شارع محمد محمود عشان اصوّر، بعد شوية تصوير اتنتشت في دماغي طوبة محترمة ورمتها ، بس البيريه صد شوية من تأثيرها (
تاني مرة البيريه يصد عني طوب )
فقولت اروح شارع جانبي متفرع من محمد محمود اصور براحتي وابقى شايف العساكر والمتظاهرين زي الفل وبعيد عن الغاز والطوب، كان ورايا في الشارع ده اسلاك شائكة وراها مدرعة وعساكر جيش، ماحطيتهمش فـ دماغي، هما لا بيضربوا ولا بيعملوا ، سادين الشارع بس، وانا مافكرتش في خطورة الموضوع ده، فجأة وانا في الشارع الجانبي مدرعة للأمن المركزي ابتدت تتقدم ووراها العساكر والناس بترجع قدامها ، لحد ما المدرعة وصلت قصاد الشارع اللي انا فيه ومعايا حوالي تلاتة او اربعة كمان، العساكر هجموا علينا من ع اليمين ، ومن ع الشمال كانت الاسلاك الشائكة والمدرعة والعساكر، أسقط في يدنا، الشرطة من أمامنا والعسكر من خلفنا، كل واحد اخدله ست او سبع عساكر كده تقريبا ، فشخونا شد شعر وضرب بالبوكسات والرجول والعصيان في الراس والوش والبطن والضهر و"بين الرجلين"، انا قعدت في الاول اقولهم خلاص خلاص، بس اما اتعودت ع الضرب قعدت اقول لا اله الا الله العسكري يقولي لا اله الا الله يابن الوسخة .. انت مع مين يالا ؟ ويضرب اكتر، أخدوا مني الموبايل والكاميرا والبيريه كمان
، والاغبيا سابو الشنطة اللي فيها اللاب، الحمد لله ، كنت هاتقهر اوي عليه ده:D
فقولت اروح شارع جانبي متفرع من محمد محمود اصور براحتي وابقى شايف العساكر والمتظاهرين زي الفل وبعيد عن الغاز والطوب، كان ورايا في الشارع ده اسلاك شائكة وراها مدرعة وعساكر جيش، ماحطيتهمش فـ دماغي، هما لا بيضربوا ولا بيعملوا ، سادين الشارع بس، وانا مافكرتش في خطورة الموضوع ده، فجأة وانا في الشارع الجانبي مدرعة للأمن المركزي ابتدت تتقدم ووراها العساكر والناس بترجع قدامها ، لحد ما المدرعة وصلت قصاد الشارع اللي انا فيه ومعايا حوالي تلاتة او اربعة كمان، العساكر هجموا علينا من ع اليمين ، ومن ع الشمال كانت الاسلاك الشائكة والمدرعة والعساكر، أسقط في يدنا، الشرطة من أمامنا والعسكر من خلفنا، كل واحد اخدله ست او سبع عساكر كده تقريبا ، فشخونا شد شعر وضرب بالبوكسات والرجول والعصيان في الراس والوش والبطن والضهر و"بين الرجلين"، انا قعدت في الاول اقولهم خلاص خلاص، بس اما اتعودت ع الضرب قعدت اقول لا اله الا الله العسكري يقولي لا اله الا الله يابن الوسخة .. انت مع مين يالا ؟ ويضرب اكتر، أخدوا مني الموبايل والكاميرا والبيريه كمان
، والاغبيا سابو الشنطة اللي فيها اللاب، الحمد لله ، كنت هاتقهر اوي عليه ده:D
دا مايمنعش اني مقهور على الكاميرا اللي كانت لسه جديدة والبيريه اللي كنت باعزه أوي :(
ومن الآخر كده
بصي يامصر
انا ليا عندك كاميرا وموبايل
ليكي عندي اجيبلك حريتك وليا عندك ترجعيلي كاميرتي وموبايلي
ماشي ياست الكل ؟
والراجل بكلمته
ماجبتلكيش حريتك ياستي ماتجيبيش حاجة
انما لو جبتيهالك تديني حق الكاميرا والموبايل
من خزنة العسكر
الاشتراك في:
تعليقات الرسالة (Atom)
ردود على "ليا عندك كاميرا وموبايل يامصر !!"
أترك تعليقا